Bónusferðin

Fór í Bónus í dag. Í sjálfu sér er það nú ekkert merkilegt en mér finnst að fólk sem afgreiðir á kassa hér á Íslandi eigi að geta sagt "góðan dag" "viltu poka" "tíuþúsundþrjúhundruðogfimmtu" "gjörðu svo vel" og þá á Íslensku.

En því var ekki að skipta í Bónus í Hafnarfirði í dag. Eins gott að ég kann ensku  og gat svarað á ensku. Æ-i Bónus piltar kennið nú fólkinu okkar ylhýra mál þetta bara gengur ekki svona.

Mér finnst í góðu lagi að fá erlent vinnuafl eða bara útlendinga til að setjast að hér en mér finnst það algjör skylda að fólkið getið tjáð sig. Ja allavega ef það ætlar að vinna svona starf.

~~~~~~~~~~~     0000     ~~~~~~~~~~~~~~~~~~~~

En það er komin helgi. Og mikið er ég fegin. Mér finnst þetta hafa verið erfið vika.

Nú ætla ég að slappa vel af og skipuleggja næstu mánuði. Ójá svo gaman að gera slíkt.

Eilíf tiltekt.

Ég veit ekki alveg hvað kom yfir mig en einhvert tiltektaræði. Allavega er ég enn að taka til og búin að fara nokkra hringi í íbúðinni með svona stórhreingernigar fíling. Strákarnir hafa tekið þátt. Því þeir sjá um að færa húsgögn og ryksuga líkin úr gluggakistiunum( sko flugur). Í gær tókum við stofuna og í dag herbergið hans Kára. Rosalega dugleg öll og auðvitað breytum við svolítið í leiðinni.

Ég hef reyndar verið að horfa á How clean is your house? Svo etv hefur það áhrif  nei nei það er ekki mikið drasl hér og langt í frá að ég komist með tærnar þar sem þessir sóðar í þáttunum hafa hælana. En gaman að sjá þessa amerísk-bresku útgáfu og ... mér hryllir við sóðaskapnum.

Það kom örlítill rigning í dag. Svona rétt til að minna á sig og bleyta í gróðrinum. Ég átti nú von á meiri rigningu en ja betra en ekkert.

 

Tíminn flýgur

já tíminn flýgur það er vís og ég hef haft svo mikið að gera og enginn tími fyrir skrif. Svo hefur verið mjög gott veður og notarlegt að sitja á svölunum og sauma eftir vinnu.

En svo datt mér líka í hug að skoða í nokkra skápa og tók heil mikið af ýmsu sem fór í Sopru bæði í endurnýtingardeild og þetta týpiska rusl. Það verður allt svo hreint á eftir

Svo fluttum við setrið um sl helgi og húsgögnin sem þar voru gefin og svo í nytjamarkaðinn hjá Sopru. Svei mér þá ef þeir fara bara ekki að elska mig þar.

Annars hringdi í mig sölumaður frá Sýn. Svo ljúfur að bjóða mér Sýn 2. Maðurinn nátturlega vissi að fótbolti væri fyrir mig. En ég fékk hroll þegar verðið kom upp margfaldaði með 12 og fékk út Londonferð. Nei takk þetta er ekki gott. Enginn fótbolti fyrir mig í vetur nema ég heimsæki tengdó. Ég hreinlega skil ekki hvað þetta er dýrt þeir hljóta að eiga ónýta reiknivél hjá 365 þetta er bara ekki eðlilegt verð.

 

Síðasta helgi......

Við áttum frábært frí um síðustu helgi. Ég notaði föstudaginn á meðan karlinn var í vinnunni til að fara í klippingu með strákana og mig sjálfa og versla fyrir helgina. Auk þess pakkaði ég í bílinn. Við brunuðum síðan austur í bústað í sólina og lágum í leti allan laugardaginn. Laugardagskvöldið komu svo Maggi og Hrefna.

Á sunnudagsmorgunin snemma komu svo pabbi og mamma því við vorum að fara í ferðalag. Fyrst að var sannfæra pabba um að veðrið þennan sunnudag yrði gott og enginn ský yrðu á himnum kl 18:30 um kvöldið.

Svo var lagt af stað....keyrt að Bakka en það tók u.þ.b 1 klst og 15 mínútur. En þá var þokubakki milli Bakka og Vestmannaeyja þangað sem ferðinni var heitið og því ekkert flugveður í augnablikinu. Hmm, ég hugleiddi hvort ég ætti að hætta við eða fara. Leit upp til himna og kallaði á ömmu. Gott veður takk. Eftir nokkrar mínútur var síðan komin sól og blíða og við skiptum hópnum 8 manns í 2 flokka og sá fyrr fór um borð í míníflugvél. Svo kom vélin til baka og tók seinna hollið.

í Eyjum beið síðan hvítur 14 manna bíll, enginn annar í boði. Og við hófum ferðina. Pabbi var leiðsögumaður og þuldi upp allskonar sögur og skemmtilegheit. Frábært ferðalag. Heimsóttum Elsu vinkonu og svo Gústa og Fríðu vinafólk foreldra minna. Auk þess hittum við margan manninn og skemmtum okkur vel.

Það var svo flogið tilbaka á tilsettum tíma og allt gekk upp.

Ég sannfærðist um að ég er bara enginn eyjamaður í mér. Jú jú þetta var gaman og allt það en engir strengir voru snertir svo ætli eyjagenin í mér séu ekki bara orðin Garðabæjargen.

Eftir sólbað og afslöppun á mánudag fórum við svo heim til þessarar venjulegu vinnu og svofrv. Gott frí.

Vikan hefur svo liðið mjög hratt og enn er að koma helgi.

Miðvikudagur í dag

Ég var næstum búin að rugla dögunum. Týndi deginum í dag rétt augnablik í morgun en fann hann svo á blaðahrúunni um leið og ég drakk morgunkaffið. Semsagt það er miðvikudagur. Nóg að gera í vinnunni og mikil sól. Sólin ruglaðist líka því hún skein mest fyrir hádegi meðan ég var að vinna en svo fór hún sennilega norður eftir hádegi. Ég fór því að versla. Einhverja bót verður maður að fá.

Strákarnir pirraðir í dag sem er ekki þeim líkt. Kári búin að fá nóg af þessu gips veseni. Verð að segja eins og er að ég er fegin að hann er ekki búin að brjóta það.

Annars hafa augun verið að pirra mig sl vikur. Og ég þurft að bíta í tunguna til að töfra fram alla þolinmæðina. Fékk hræðilegan augnþrýsting sem er búin að baka mér mikil vandræði. En þetta er eitthvað að lagast eða breytast og vonandi til batnaðar. En mikið andsk....er þetta þreytandi.

Stjörnuspáin mín í dag er snilld

Stjörnuspá

Bogmaður: Kátína er dyggð. Og um leið og þú heldur áfram að nota bjartsýni sem þína aðferð til að nálgast hlutina, ræktarðu með þér meiri sjarma en þú hefur nokkrun tímann búið yfir.

Þriðjudagur

Fallegt veður í dag og mjög notarlegt að sitja úti á svölum og sauma. Ég virkilega naut þess.

Hellstu tíðindin þessa daga er að Unnur skólasystir hér á árum áður kom í heimsókn í gær. Frábært að fara yfir stöðuna sl ár. Og gaman hvað við mundum svo eftir nöfnunum á bekkjarfélögunum. Og merkilegt eftir öll þessi ár hvað við náðum vel saman enda kaffið gott, Afríku kaffi, Kenya  

Nú svo er að skipuleggja veturinn. Já það verður að gera í tíma. Við saumaklúbburinn blómstrar allt árið og ég bara verð að standa mig vel í þessu. Luma á mörgum góðum hugmyndum.

Eva Lára bróðurdóttir mín ulnliðsbrotnaði á hægri hendi svo Kári og hún geta lagt í púkk. Andsk.. Veit ekki alveg hvað er að gerast í þessari fjölskyldu það er bara alltaf einhver veikur eða slasaður. Kannski það sé bara verið að taka út allt fyrir árið á smá tíma. Allavega vona ég það.

Nú er að hlusta á eurovision tónlist og sauma smá.

17 júní .... til hamingju með daginn

Skrapp austur í bústað í dag. Mjög fallegt veður og mikill fuglasöngur. Eins og venjulega kom fullt af fólki um leið og ég var mætt á svæðið. Merkilegt hvað fólk bara dregst að mér eða þannig.

Við mamma áttum þó góða stund saman og víst að margt bar á góma líka nálinn.

Fannst frábært að sjá lögregluna við hraðamælingar bæði á leiðinni austur og í bæinn. Gladdi mig líka að sjá að löggan hafði tekið einhvern fyrir ofhraðan akstur. Merkilegt hvað fólk ekur hratt þrátt fyrir allskonar viðvaranir.

En nú ætla ég að snúa mér að útsaumnum.

Heilbrigðiskerfi hvað ?

Margt búið að gerast þessa viku. Fór á alveg frábært kaffinámskeið hjá Te og Kaffi með saumaklúbbnum því þessar elskur voru ekki alveg nógu góðar í kaffiuppáhellingu og ég kaffikerlinginn var ekki sátt. Námskeiðið var mjög skemmtilegt í alla stað, fróðlegt og bragðgott .

Tengdapabbi veiktist og var fluttur á bráðamóttökuna mjög veikur. Hann fékk náðasamlegast að dvelja á sjúkrahúsi í 10 tíma þá var honum hent heim fárveikum. Hann var síðan fluttur enn veikari 6 tímum eftir að hann kom heim og þá var það frekjan ég sem tók að mér að annast málið. Hann var svo sendur heim eftir tæpan sólarhring á sjúkrahúsi. Aumingja hjúkkan sem hringdi í mig og bað um að hann yrði sóttur fór alveg í hnút þegar ég rakti úr henni garnirnar varðandi karlinn. Og þegar ég kom svo að sækja hann kom hún og afsakaði sig. Kerfið hreinlega getur ekki leyft fólki að liggja á sjúkrahúsi sé það mjög veikt og hafi ekki heimilisaðstöðu til að liggja heima. Hjúkkan getur bara ekkert gert að þessu en þeir sem stjórna þyrftu að koma sér neðar í kerfinu og finna fyrir því til að skilja fólk. Tengdó er á batavegi og ég á 24 tíma vakt.

Kári minn er líka brattur eftir brotið en það þurfti að kíkja á gipsið og laga teygjubindið áðan og slysó hafði bent mér á Heilsugæsluna. Ok ég bjáninn, hringdi á Læknavaktina og spurði hvort ekki væri hægt að kíkja á hann. Svarið sé ég fékk : "Getur þú ekki gert þetta sjálf".

Skyldi hún vera skyggn blessuð hjúkkan á Læknavaktinni? Jú jú víst get ég gert þetta sjálf eins og flest annað  ekki spurning. Ég brá mér því í næsta apótek, keypti það sem mig vantaði til verksins og afgreiddi málið pent.

Ég hallast á þá skoðun að heilbrigðiskerfið okkar sé eitthvað að versna. Á fólk bara að gera allt sjálft? Hver ber svo ábyrgðina á að hlutirnir hverjir svosem þeir eru séu í lagi?

Nei sko ég held við ættum að einkavæða slysó.

10 júní

Ósköp líður tíminn..........

Er búin að fara tvisvar á slysó þessa viku og í bæði skiptin með Kára. Það fyrra gekk bara vel, bið og afgreiðsla frá a til ö tók rúmar 10 mínútur. Já ótrúlegt en satt. Þetta var sl mánudag. Meira að segja var enginn á biðstofunni.

Í dag aftur á móti var önnur saga. 3 tímar í bið. Fullt af fóki og þar sem verið er að breyta slysó og greinilega "uppfæra" búnað og annað voru frekar fáir stólar. Sumir máttu standa.  Mér finnst annars þessi bið ótrúleg og þar sem ég beið þarna velti ég því fyrir mér hvað mundi nú gerast ef upp kæmi stórslys. Greinilega hafði fækkað á vaktinni enda sunnudagur og því ekki "keyrt" á fullum afköstum. Svo ég sé fyrir mér stórvandræði ef upp kemur stórslys.

Hvenær í ósköpunum á að lagfæra þetta. Það getur ekki verið stefnan að fólki eigi að bíða svona lengi.

En ég var auðvitað með neyðarkitt í veski mínu og sat og saumaði í 3 tíma. Og var því ekki orðin leið en var farin að finna fyrir því að garnið var að verða búið. Þannig að nú í kvöld er eins gott að bæta úr og lagfæra neyðarkittið