Laugardagur til lukku.

Vikan leið ofsalega hratt. Veit ekki alveg hvert hún fór. !

Við hittumst hér í dag "Systurnar Skordal" sem erum saman í hóp í VB náminu. Það er alltaf kátt  á hjalla hjá okkur og jú vissulega lærum við alveg helling.

í kvöld er svo afslöppun hjá mér og sjónvarpsgláp. Það er kærkomið að slappa aðeins af.

En ég veit ekki alveg afhverju ég vaknaði með jólalag í höfðinum í morgun en það liggur við að ég vilji fara að skreyta !!!!

Dýrðarinnardrulludásemd :)

Góður dagur í dag.

Í morgun kl rúmlega átta fór rafmagnið af hér. Ég var nýbúin að fá mér kaffi svo morgunsopin var að baki. En ég átti eftir að setja upp andlitið. Jæja það var víst ekkert hægt að gera annað en kveikja á kerti og slá svo til. Andlitið komst í rétt horf og ég var bara býsna góð

Svo kom nú rafmagnið og ég dreif mig í vinnuna. En þá vildi lyftan ekki vinna svo ég þurfti að kalla á viðgerðamann eftir að hafa reynt að koma henni af stað með þeirri alkunnu snilld að taka af henni rafmagnið og setja það á án árangurs.

Í bílageymslunni stóð svo bílageymsluhurðinn hálf opin. Hún gretti sig framan í mig og svei mér þá ef hún ullaði ekki líka. Vildi ekkert kannast við að hún gengi fyrir rafmagni. En mér tókst að koma henni í gang og hún er til friðs.

í vinnunni var svo eins og venjulega nóg að gera.

Í kvöld er konukvöld í Garðheimum sem ég ætla að fara á ásamt fríðum hópi. Spennó að sjá hvað í boði er.

 

4.11.07

Ég veit þetta er gömul klisja en það er búið að vera fullt að gera. Eiginlega ofmikið á köflum. En ég er á lífi !

Best að uppfær hér smá:

Kláraði prófið og náði og það er annað próf á morgun og vonandi gengur það allt vel. Við systurnar Skordal höfum verið mjög duglegar að læra saman. Byrjuðum m.a kl rúmlega 8 á föstudagsmorguninn. Svo vonandi sláum við í gegn.

Annars hefur lífið gengið svona sinn vana gang. Vinna-skóli-heimilið-og svofrv. Sem betur fer hef ég getað saumað svona eins og 50 spor og það reddar nú öllu. Auk þess var saumaklúbbur í síðustu viku og þá var fjör.

Fór svo á kvennakvöld á Brodway um daginn. Hafði ekki farið á slíkt í mange aar og mikið hefur þetta breyst. En skemmti mér samt. Enda Laddi kynnir og hann sló í gegn.

Ég er meira að segja búin að kaupa nokkrar jólagjafir svo ég er bara "on time" eins og venjulega. Þarf að fara að ganga þessum gjöfum sem fara til útlanda fljótlega það er á hreinu sem og jólakortunum....

 

 

Jæja......

Þá er nú skriflega prófið búið. Var frekar stutt átti að vera 2 tíma en ég lauk því á tæpum klukkutíma. Var ekki fyrst að klára. En ég held þetta hafi bara gengið vel.´

Nú get ég slappað af í kvöld og saumað en næsti áfangi í skólanum byrjar á föstudag og þá eru það skattskilin. Ójá ég held þau verði bara skemmtileg.

Þessa dagana er ég að teikna upp skipulag saumaklúbbsins fyrir árið 2008 og líka bústaðaferð í byrjun febrúar og sennilega útlandaferð í október 2008. Jájá það verður að skipuleggja þetta snemma svo allt náist á réttum tíma.

Annars var helgin bara góð. Fyrir utan lestur og þh. Sigurgeir skrapp í geymsluna og tók smá til. Datt reyndar um sjálfan sig á eitthvað drasl en slasaðist ekki mikið enda ekki hár maður  fallið semsagt lágt. Og draslið varð ekki að meira drasli en það var fyrir .

Tók ákvörðun í dag sem gæti breytt miklu fyrir mig og mitt fólk. Sjáum til hvað gerist.

 

Búin

Tíminn hefur liðið fljótt svo margt að gera bæði skemmilegt og skemmtilegt .

Prófverkefninu skilað ég á tilsettum tíma og þokkalega sátt. Nú er bara að vona að prófnefndin verði það líka. Svo er próf á mánudaginn og fyrir það þarf ég að lesa um helgina.

En það er saumaklúbbur í kvöld og mikið hlakka ég til það er svo gott að hlægja og sauma saman. Og svo er alltaf svo spennandi að vita hvað þær eru að gera. Svo luma ég á skemmtilegur RR verkefni sem verður kynnt í kvöld.

Annars er ég pínu fúl .... já ég er nánast reið. Theodór er ítrekað búin að lenda í einelti nú í haust og er það ekki í fyrsta sinn sem þetta gerist. Svo var þetta af og til sl vetur. Svo arrrgggg..... svona gerir fólk ekki. Í dag varð piltur svo reiður að hann gaf öðrum á kjaftinn til að svara fyrir sig .( já já ég brosti ) En nú verður að vinna í þessu máli og koma því á hreint.

--- 

Hvað á að gera við ungmenni sem nenna ekki að taka til ? O ooo ég er alveg að flippa yfirum á þessu unga pari hér. Þau hreinlega nenna ekki að taka til og ganga frá. Allt bara látið á gólfið.

Kannski ég ætti bara að fá Allt í drasli til að taka þau í gegn . Allaveg núna í dag fékk ég kast. Vonandi ber það einhvern árangur ef ekki ...hvað þá ?

OMG

Það eru 98 dagar til jóla. Úpps eins gott að fara að athuga hvað og hver og hvers vegna og hvert........

Mánudagur

Fór í það leiðinlegasta vinnustaðapartý sem um getur í Íslandssögunni sl laugardag. Nei það var ekki ´"mín vinna" heldur vinnustaður eiginmannsins. Uss þetta fólk kann bara ekkert að skipuleggja svona skemmtun og hvað þá skemmta sér. En ég veit það geta ekki allir verið svona skemmtilegir !

Við fórum snemma og fórum svo út að borða. Maturinn var svona la la en þetta var samt gaman. Við erum náttúrlega svo skemmtileg saman . Alveg satt.

Hitti eyjaskeggja sem hafði farið á árgangsmótið sem ég komst ekki á (vil ekki fara á ). Fékk að vita dittin og datten um fólk. Veit svosem ekkert hvaða fólk þetta er en hvað um það. Skil ekki alveg þessa þörf hjá fólki en mér finnst markaðssetninging frábær. Sko þetta eru fleiri þúsund manns í það heila. Allt eru þetta árgangar og allir halda árgangsmót og hafa gaman og allir fara til Eyja og aftur og aftur. Fólkið notar þjónustu og jaríjaríjarí og vola markaðssetning góð. Sniðugt fólk .

Ég er komin í prófgírinn. Leggst í próf um kl 15 á morgun og fram á miðvikudagskvöld þá ætla ég að vera búin með verkefnið. Svo er hitt prófið á mánudaginn. Rosa gaman.

Lúllí´lúll

Uss ég svaf yfir mig í morgun. Svosem ekkert merkilegt EN ég bara sef ALDREI yfir mig !

Vaknaði kl 6 og hugsaði með mér að ég ætti að ná að sofa í svona 30-45 mín í viðbót. Ok vaknaði korter í 8. Of seint. Andsk... allt á afturfótunum en þetta reddaðist allt saman. Ég átti bara ekki kyrrðarstund með sjálfri mér fyrir vinnu og verð etv eitthvað snúin í dag. En vonandi bít ég engann.

 

Tuð

Dásamleg rigning í dag. Svo blaut

Ég hef verið að skoða blogg hjá nokkrum góðum vinum og sé að það er töluvert skammast út í kerfið. Ég er svo sammála. En velti því pínu fyrir mér hvað sé til ráða. Veit það ekki því ef ég vissi það væri ég búin að redda málunum.

T.d hvers vegna fá þeir sem eru með dyslexíu ekki hjálp. Nú veit ég að ástandið hefur skánað en er langt frá því að vera gott. Og þar sem ég átti samtal við námsráðgjafa í HR um daginn og spurði eins og bjáni hvað væri gert fyrir fólk í HR með dyslexíu. Gert ??? hjálp ?? nei það er sko ekkert gert. Ekki okkar vandamál. Ótrúlegt. En svona er þetta. Við erum svo aftarlega á merinni.

Og svo er það þetta hér : http://www.annagisla.blog.is/blog/annagisla/

Anna mín  ( ef þú dettur hér inn ) ég bara varð að kópera þetta ! Maður verður að láta svona ganga. Ég vil ekki búa í Reykjavík !

~~~~~     00000 ~~~~~~~~~~~~~

Ég er svo happy með að pabbi er komin heim úr aðgerðinni og allt tókst vel. Nú fer allt að ganga betur og lífið hjá þeim gömlu að falla í venjulegan jarðveg.

Og svo náði ég að sauma smá í morgun fyrir vinnu og núna í kvöld svo ég er að ná mér

En það eru tvö próf á næstunni og svei mér þá ef ég er ekki komin með einhvern smá hnút. Andsk.... hver bauð honum. Svolítið merkilegt hvað fólkið í skólanum var strax stressað útaf prófum og ég varð fyrir einhverjum áhrifum. Vonandi verður þetta í góðu lagi.

Föstudagur loksins

Ég gleymdi að blogga og svo mundi ég það en gleymdi því aftur.

Mikið búið að vera að gera og of langt að skrifa það hér.

En í dag er föstudagur og helgi framundan. Gott. Skóli á morgun. já ég er semagt komin í skóla í HR í viðurkennda bókara námið og það er alveg ofsalega gaman. En mikið að gera.

Við fengum t.d fyrirlestur í skólanum um námstækni. Afskaplega skemmtilegt. Námsráðgjafinn lagði áherslu á að námið væri mjög krefjandi og við yrðum sennilega að hækka skítastuðul heimilisins.  Og þar sem nú er komin föstudagur og vikan verið erfið og auk þess er ég að vinna yfirvinnu 3 -4 daga í viku þá er það á hreinu að skítastuðullinn hefur eitthavð breyst. ja allavega er þörf á að gera eitthvað í málinu. Svo ég hef staðið mig vel í þessu fagi.

 

Hef verið í veseni með helv... heyrnartækið og fór þar af leiðandi í Kringlunna þar sem minn sérfræðingur í þessum fræðum er til húsa. Ég skrapp inní verslunina Betra líf og keypti mér Búdda styttu.  Minn fyrsti Búdda komin. OOO hann er svo sætur svona lítill, bumbu mikill, sköllóttur, brosandi og gefur frá sér góða áru. Spurning hvort ég ætti að ganga með hann á mér?