Rautt

Ég fór í sjúkraþjálfun nú í morgun. Svo sem ekkert merkilegt en þótt rautt sé litur jólanna þarf fólk ekki að taka það svo alvarlega að það aki yfir á rauðu ljósi.

Ótrúlegt hvað fólk er svellkalt að skella sér yfir á rauðu eins og ekkert sé. Þetta er ótrúlega algengt. Mér finnst umferðarhraðinn hafa minnkað síðan þessi kreppa skall á en aftur á móti leyfir fólk sér að fara yfir á rauðu eins og ekkert sé.

Spurning hvernig á að taka á því. Ekki hef ég neina patent lausn annað en að fara eftir umferðarreglunum.

Þarf út aftur á eftir en nú er það hárgreiðslan. Klipping og litaupplyfting. Fékk rauða lokka um daginn og ætla að bæta grænum við.  nei nei bara að grínast.

Athugasemdir

[Unnur Guðrún , 19.12.2008 kl. 12:33]

Gulur, rauður grænn og blár

pryðir vel þitt fína hár.

ein að flippa út

[Sigríður Sigurðardóttir, 23.12.2008 kl. 14:02]

  Oooooo..við nú vanar rauðum jólum, vinkona.  Voru hvít önnur hver jól hér í den í Eyjum...í besta falli.  Stundum ryðguðu sleðarnir og þotur morknuðu 2 ár í röð inn í geymslum, niðri í kjöllurum.  Rok og rigning, rok og rigning, meira ROK...var ég búin að skrifa rigning?.... endalaust í kringum jólin.  Frostakaflar með stillum inn á milli, en að það snjóaði!  Nah!  Vorum ekki á samningi hjá veðurguðunum um hvít jól, nema þegar afi gleymdi að versla munntóbakið um miðjam desember!  Þá klikkaði ekki, að það var "arfasnjóbylur" síðustu vikuna fyrir jól, og afi "arfaillur" út í veðurhaminn og tóbaksleysið.

  Gleðileg jól, vinkona.

[Kristín Magnúsdóttir, 23.12.2008 kl. 16:04]

Ég hef sem betur fer upplifað mörgum sinnum hvít jól. Jólin á Sigló slógu í gegn hvað það varðar.