Síðustu fréttir

Á sunnudegi fyrir rúmri viku hringdi tengdadóttirinn í mig og sagði mér að sonurinn væri á leið í sjúkrabíl á slysó. Mér brá akkúrat ekkert ! Hún hefði alveg eins getað sagt mér að hann væri að kaupa súrmjólk . En ég vissi að piltur væri í Mýrinni að keppa. Semsagt, hraðaupplaup eitt æsi spennandi, minn maður nær að skora, skellur í gólfið og búmm. Hnéð, það vinstra í þetta skiptið ákvað að skipta sér, senda helminginn til hægri og helminginn til vinstri.  

Hann fór því á slysó. Eftir símtal við Miss Bjútí, skellti ég á mig varalit og brunaði á slysó. í afgreiðslunni voru 4 stk starfsmenn sem vissu ekki neitt í sinn haus. Ég sló því á þráðinn til Miss Bjútí sem kom og opnaði fyrir mér svo ég átti greiða leið um ganga slysó. Fann minn pilt sem bar sig þokkalega. Hann fór síðan í myndatöku og loks kom niðurstaða. Æ-i hann er nú ekki brotinn og þetta er eitthvað svona bæklunarlækninsdæmi. Bara farðu heim. Drengurinn var stokkbólginn og hefði átt að fá bólgueyðandi auk þess verkjalyf en nei, enginn lyfseðill í boði.

Ég tók málin í mínar hendur og hafði samband við DR. Bækl í gegnum tölvupóst enda þessi frægi góði dr einn af outlook kontöktum mínum eftir að hægra hné piltsins fór í keppni hér um árið. Það var þá slitið krossband.

Við hittum Dr. Bækl sl mánudag og er piltur á leið í segulómun nk mánudag en Dr. telur að hér sé krossband slitið. Andsk.... og sumarið á næsta leiti. Jæja,  þá er bara að taka á því. Ekki satt?

Strákarnir í handboltanum uppnefndu kauða, DR House..... góður...

Svo er það ég....

Ég hringdi í Dr. Liðmann sl mánudag, eftir sterakúrinn sem gekk ekki alveg nógu vel. Og svo fór ég til hans í gær. Dr. Liðmann hringdi svo áðan og nú skal frúin á sjúkrahús. Og nú skal hella mig fulla beint í æð. Ég er sko rík að eiga Dr. Liðmann að. Búin að setja saumadótið niður og er því tilbúin

Nú svo eru pabbi og mamma að flytja svo það er margt að gerast á þeim bæ.

En nóg í bili.... farin að sauma.

Athugasemdir

[Laugheiður Gunnarsdóttir, 17.4.2008 kl. 17:42]

alltaf sami hamagangurinn hjá þér , gangi þér vel

[Sigríður Sigurðardóttir, 17.4.2008 kl. 17:55]

Jaso, bara aldrei "dauður tími" hjá þér vinkona.  Vona að þið jafnið ykkur bæði í hnjánum, mæðginin.  Vont að byrja sumarið lappalaus, svo gott væri að þið væruð bæði komin á báða skanka í lok maí.  Sendi ykkur góðar hugsanir.

  Þú getur altént saumað....en hvað með soninn?

[Kristín Magnúsdóttir, 17.4.2008 kl. 21:13]

OO hann stoppar nú ekki. Fer í æfingarsalinn og sund en sleppir handbolta, er svo í skólanum og vinnunni og er með einkadriver, sko kærustuna.

Sem betur er aldrei dauður tími hjá mér.... ætla að slá í gegn sprelllifandi þessi 130 ár  

[Sigríður Sigurðardóttir, 18.4.2008 kl. 21:48]

  Stína, ef þú verður 130 ára, verður þú að gefa út "ævisögu þína", og segja landanum hvernig þér tókst að "sauma 45 ár"  aftan við ævi þína.

  Hmmmmm... fínt að hafa einkadriver...tekur hún þetta að sér í hjáverkum? 

[Unnur Guðrún , 19.4.2008 kl. 08:21]

  go Stina Go Go .............það er minni hamangangur í þessari fígúri en þér. En gangi ykkur vel og þér á sjúkrahúsinu.

[Kristín Magnúsdóttir, 27.4.2008 kl. 20:37]

Já já Sigga ég skal gefa út gott rit.

Þessi fígúra Unnur mín er bara í slow motion mv mig.