10 júní

Ósköp líður tíminn..........

Er búin að fara tvisvar á slysó þessa viku og í bæði skiptin með Kára. Það fyrra gekk bara vel, bið og afgreiðsla frá a til ö tók rúmar 10 mínútur. Já ótrúlegt en satt. Þetta var sl mánudag. Meira að segja var enginn á biðstofunni.

Í dag aftur á móti var önnur saga. 3 tímar í bið. Fullt af fóki og þar sem verið er að breyta slysó og greinilega "uppfæra" búnað og annað voru frekar fáir stólar. Sumir máttu standa.  Mér finnst annars þessi bið ótrúleg og þar sem ég beið þarna velti ég því fyrir mér hvað mundi nú gerast ef upp kæmi stórslys. Greinilega hafði fækkað á vaktinni enda sunnudagur og því ekki "keyrt" á fullum afköstum. Svo ég sé fyrir mér stórvandræði ef upp kemur stórslys.

Hvenær í ósköpunum á að lagfæra þetta. Það getur ekki verið stefnan að fólki eigi að bíða svona lengi.

En ég var auðvitað með neyðarkitt í veski mínu og sat og saumaði í 3 tíma. Og var því ekki orðin leið en var farin að finna fyrir því að garnið var að verða búið. Þannig að nú í kvöld er eins gott að bæta úr og lagfæra neyðarkittið

Athugasemdir

[Laugheiður Gunnarsdóttir, 10.6.2007 kl. 21:47]

hvað kom fyrir Kára.Það er nú dálítið finndið að við eigum báðar drengi sem heita Kári.kveðja og kvitt systur á norðurlandi

[Kristín Magnúsdóttir, 10.6.2007 kl. 22:22]

Sl þriðjudag sló hann stóru tánni hraustlega í. En núna datt hann illa á rafmagnshlaupahjóli hann var á leið niður brekku.

Hér á bæ eru annars tveir Kárar