Febrúar

jæja ég veit það er töluvert síðan ég bloggaði síðast. Hér hefur bara verið svo mikið að gera.

Strákarnir mínir orðnir 12 ára og ég bara eldist ekkert.

Fór að hitta Dr Bækl og hann gaf svosem ekki góðar fréttir en ég ætla að hitta Dr. Liðmann næsta fimmtudag en þá fer ég á SHA að fá skammtinn minn og þá förum við yfir stöðuna.

En svo er ég búin að sauma alveg heila helling. Fékk nefnilega ríting í bakið frá ákveðnum aðila og það fauk í mig já ég varð reið og ákvað að nota reiðina til að sauma. Það hefur gengið mjög vel.

Við vorum svo tvö ein hjónakornin um síðustu helgi en drengirnir fóru í ferðalag með afa og ömmu í bústaðinn. Spennandi dagar hjá þeim. Þau nýbúin að kaupa sér nýjan bíl og því allt svo spennó.

Svo í morgun komu góðar "gamlar" vinkonur mínar. Hreint ekki gamlar konur nei nei en skemmtilegar. Áttum notarlega stund saman.

En svo komu fréttir dagins. Annar tvíburinn með barnaliðagigt. Andsk... já en drengurinn hefur góðu genin frá múttu sinni og sagði bara..... þetta er þung binding. Og ekki meira um það annað en mamma rosalega er ég heppin... sko sjáðu til þú kannt þetta allt og þá þarf ég ekki að finna upp hjólið. Hann er æði þessi drengur.

 

Athugasemdir

[Sigríður Sigurðardóttir, 24.2.2009 kl. 08:27]

Vinkona mín elskuleg, þér fellur alltaf eitthvað til.  Slæmt að heyra af liðagitinni í drengnum þínum...en frábært hvernig hann tók því...þú átt algjöran engil.  Gaman að heyra að þú sért komin í saumastuð....þá gleymast allar "bakrýtingsstungur"...og þær hafa líka lag á að skila sér í bakið á eigendum rýtingsins.  Svo baráttukveðjur til ykkar sem tveggja sem eruð að kljást við liðagigtina.

  Knús á þig.

[Kristín Magnúsdóttir, 25.2.2009 kl. 08:53]

Takk Sigga mín,

já þessir drengir mínir eru alveg frábærir allir þrír